الأحد، 20 نوفمبر 2011

ملاحظات وخواطر 23

- آخر أخبار العفيف الأخضر بيقول إن التوانسة - خصوصا اللى فى الخارج زى ما هيحصل عندنا كده - اختاروا النهضة غيظا فى الفلول وبعدين يا حرام ندموا وقالوا انهم ما كانوش يعرفوا انها هتكسب .. ساقوهم حاجة اصفرا الظاهر .. جاتكم نيلة عليكم وعلى استهبالكم .. هى ناقصة استهبال

- الاغبيا فاكرين إن أمريكا ضد الإسلاميين إخوانا وسلفيين ، عمرها ما كانت ضدهم .. من أول تحالفها معاهم من سنين ضد عبد الناصر وضد السوفييت والاشتراكيين ... أمريكا شريرة هتتحالف مع مين إلا كل شرير .. واكبر الأشرار هما الإخوان والسلفيين دول النموذج ... ودلوقتى يا عبطا فاكرينها هتتحالف مع الناصريين ولا الاشتراكيين .. لا طبعا .. هتتحالف وتنجح الإخوان والسلفيين واسألوا رئيس أركان المنبطحين لجيش التوانسة والمصريين ..


- خالد يوسف بيقول لما يشوف ثورة مصر تنحرف عن مسارها هيتبرأ منها ويلعنها ..

يعنى على كده إنشاء أحزاب دينية اخوانية وسلفية هو جزء من مسار ثورة مصر الطبيعى .. طيب .. أنا أول من سيطالب الحكام الجدد الإخوان والسلفيين بتعليقك من قفاك ، وسحلك فى الشوارع .. ولا عزاء للأغبياء


Shereef Ashraf- منقول
مصر ليست الأولى فى عقل وقلب الإخوان والتيارات الأصولية مصر تحتل المرتبة الخامسة فى ترتيت أولوياتهم.. السلطة أولاً.. الخليج ثانياً.. الإمارة الإسلامية ثالثاً.. رضا الغرب رابعاً.. بعد الثورة كان لابد من رى عطش السنين بـ«كرسى الحكم».. وقبل الثورة وبعدها ثمة قوى وأشخاص فى الخليج يريدون طمس عقل مصر واختطاف دورها القيادى، ومن أجل هذا الهدف يبذلون الغالى والنفيس.. والإمارة الإسلامية لابد أن تظلل خريطة المحروسة، ودونها «الدم».. وإذا كان الغرب يشعر بالقلق، فله كل الضمانات والقرابين.. ثم يأتى الوطن حتى لو تمزق أشلاء.. ومن سيموتون فى الشوارع شهداء.. «أحياء عند ربهم يرزقون»..


 
- ما تسيبوا موضوع علياء بقى ونشوف الهم اللى مصر وما حولها فيه .. باختصار هى حرة .. وما غلطتش فى طريقة التعبير .. وطز فى السلفيين والإخوان والرجعيين والمتخلفين .. بتقولوا السلفيين خدوها عليكم يا علمانيين .. ومن امتى كان السلفيين بيحبوكم وبيمدحوكم يا متخلفين .. فى كل الأحوال هيشتموا فيكم .. انتم مستنيين رضاهم ليه .. استنوا رضا نفسكم مش رضا غيركم .. رضا الناس غاية لا تدرك ..

- انت عايز السلفيين والإعلام المصرى يرضى عن الليبراليين والعلمانيين .. طيب .. لن ترضى عنك السلفية ولا الاخوانية حتى تتبع أيديولوجيتهم .. فى الحالة دى بس هيمدحوك .. يا راجل ده بلاد بحالها بتتهدم حوالينا وبتتحول لمنابع إرهاب ضدنا .. وإحنا مسكنا فى علياء .. أصلا اللى حط رابط علياء ونشره قصده يشغلنا ويعملنا ربكة ..

- مشكلة جمال البنا انه رجل مع العلمانية ورجل مع الإخوان


- غراب الأردن وغراب الكيان السعودى ينعقون فى وجه سوريا .. كما نعقوا فى وجه العراق وليبيا ..

غربان الخراب الملكية والخليجية لن نرتاح منها أبدا على ما يبدو


- يا جماعة دى مش معركتى لوحدى .. كل من له أظافر وكل من له لسان .. لو سمحتم يستخدمه ضد حمدين صباحى وضد كل كلب منبطح للإخوان والسلفيين .. وكل حمار يصف الحركات الإسلامية بالاعتدال ويصف الغنوشى وأردوغان بالاعتدال .. ابذلوا قصارى جهدكم معى يا من جعلتم معركتكم مع مدونة ومدونتها


- كل الآن متروك لمعركة بلده وحده .. والكل مهزوم أو نصف مهزوم .. التوانسة كنا نظنهم رجالا واتضح أنهم خلاف ذلك .. والليبيون بعض همج وبعض مستضعفين .. والمصريون جهلة وأميون ..

والكل كل الفشلة والأغبياء والخونة والمنبطحون لتدمير سوريا كما دمروا الباقى

بينما يقف هيكل وحمدى قنديل ويسرا فى برج الوعى الحقيقى وحدهم وسط غربان الخليج وغربان مصر وغربان ليبيا وتونس الخ ..




- البنات ذبحوا علياء .. عجبا .. لاحظت أن البنات هن من يهاجمن علياء .. وعلى ذلك أكون أنا وصديقاتى استثناء .. البنات أكثر ملكية من الملك وأكثر رجعية من الرجعيين وأكثر سلفية من السلفيين .. ليتهن يصمتن لئلا ينفضح فى كلامهن مبرر قمع الرجال وقمع السلفيين خصوصا لهن


- فى العالم كله يخترعون الجديد ويحلونه محل القديم ..

وأما فى بلادنا العربية والمصرية يرفضون الجديد ويجلبون القديم المغبر المتعفن (الشريعة والاخوانية والسلفية والثيوقراطية) ويفرضونه على الجديد (العلمانية والتقدم والتحضر والحريات وحقوق الإنسان)

 
- الإخوان والسلفيون يخدعون الشعب المصرى بالخلافة والشريعة ومحاربة إسرائيل.. وهم فى الحقيقة أداة ومبرر إسرائيل وأمريكا والناتو .. ستكون إسرائيل وأمريكا أسرع وسيجعلونها خرابا إن لم يكن الإخوان والسلفيون قد سبقوهم وخربوا مصر قبلهم .. والناتو سيذبح الإخوان والسلفيين والمصريين فى لمح البصر .. وسيقطع منهم الوتين فما منكم من أحد عنهم حاجزين

- الأدب واللياقة والعتاب الرقيق يكون مع من يستحقون الأدب واللياقة والعتاب الرقيق وليس بطبيعة الحال مع الإخوان والسلفيين .. كم يستفزنى من يعاتبون الإخوان والسلفيين عتابا رقيقا اقرب للمديح وللتشجيع منه للعتاب واللوم .. فهؤلاء منهم .. هؤلاء يتهجمون على الناصرية والاشتراكية والليبرالية والعلمانية والمسيحية .. ثم يعاتبون بنى دينهم وجلدتهم عتابا رقيقا

- كم يستفزنى من خونوا الأقباط الذين نزلوا بالأمس لإحياء ذكرى شهداء ماسبيرو .. ومن اعتبروهم قد اخطاوا .. ما الفرق بينكم إذن وبين السلفيين والإخوان .. تلومون الضحية وتسكتون عن الجانى ... ايهما اولى باللوم .. من يرفع الصليب وصور العذراء والمسيح أحياء لشهدائه وجنازته .. أم من يقولون المسيحيون أعداء الله ويرفعون علم السعودية .. ويقذفون المسيحيين بالمولوتوف والحجارة .. اعدلوا



- المهم مش يافطة البروفايل اللى أنا حاطاها .. ولا المهم الشعب افيونجى الشريعة ومدمن الاخوانية والسلفية يفوق لأنه مش هيفوق ولو فاق هيكون بعد قرون مش سنين بس .. المهم دلوقتى المجلس يسترجل ويرجع الإخوان والسلفيين للقمقم ويحل احزابهم ويقفل قنواتهم .. الكورة فى ملعب المجلس من فبراير اللى فات وإحنا مدنيين معندناش الصلاحيات والسلطة لفعل ذلك .. هوه بس اللى يقدر يعمل كده

 
- أنا ما عدتش اقدر أتحمل إنى افرق بين الاسلام - إسلامى العلمانى المتحرر - والاخوانية والسلفية ..

مش ممكن وسط السماح الرسمى للسلفيين والإخوان بالتصريحات السافلة ونشر أفكارهم السامة عبر قنواتهم وقنوات غيرهم وعبر صحفهم وصحف غيرهم وعبر أحزابهم وأحزاب غيرهم والسماح لهم بتكوين أحزاب والمشاركة السياسية .. مش ممكن والمجلس العسكرى مش مساعدنا على عملنا .. هنقاتل لوحدنا ونقول الاسلام مش كده .. الاسلام دين تسامح ..

لا .. ما دام المجلس العسكرى والعالم والسعودية معترفين بالإخوان والسلفيين وأفكارهم يبقى الاسلام كده .. وفى الآخر هاوصل لمرحلة أقول لهم يتحرق إسلامى المتحرر العلمانى الغربى على إسلامكم السلفى الاخوانى الظلامى المتزمت