الاثنين، 16 يناير، 2012

ملاحظات وخواطر 29

- فين احترام الاديان والمذاهب والمسيحية والصوفية والشيعة بيتشتموا ليل نهار فى قنوات الناس والرحمة ووصال وصفا والامة وغيرها من قنوات السلفيين .. وفين احترام حريات الافكار بينما يتم تكفير العلمانيين والاشتراكيين والليبراليين والناصريين والقوميين بواسطة الاخوان والسلفيين يوميا عبر الصحف والتلفاز .. واين عدم التعرض للحياة الشخصية والاخوان والسلفيون يفرضون الحجاب والنقاب واللحى ويريدون عودة تطبيق قطع الايدى والصلب والرجم والجلد وقطع الايدى والارجل من خلاف .... بموافقة من الشعب وضوابط قانونية وبرلمانية امور سهلة على الاخوان والسلفيين .. سيحجبون الانترنت ويفرضون رقابة دينية على المجتمع وعلى التلفاز وعلى الصحف والابداع والفنون ... انا شايفة انك تدرسى افغانستان والسعودية وايران والصومال والسودان يعنى الدول الدينية الاسلامية الثيوقراطية .. بافلا توجد دول ثيوقراطية قروسطية مسيحية الان سوى الفاتيكان .. ويهودية سوى اسرائيل .. لكن الدول الاسلامية الظلامية ذكرتها لك .... ومصر وتونس وليبيا على طريق الانضمام وتخطو اولى خطوات الانضمام

اعراف مجتمع ايه اللى بتقولى عنها .. المجتمع اللى بيشوف الرقاصة ويعجب برقصها وبعدين يشتمها ويطالب بمنع الرقص .. اللى بيتفرج على المواقع الاباحية وبيتبسط منها وبعدين يطالب بحجبها .. اللى بيسمع الاغانى ومبسوط بيها وبعدين بيطالب بمنعها وبيقول انها حرام .. المجتمع ظلامى جدا ومنافق جدا ويدس انفه فى الحريات الشخصية جدا .. لو شفتى منظر منى زكى والستات بيرغموها على ارتداء الحجاب فى المترو فى فيلم احكى يا شهرزاد هتفهمى المجتمع بتاعنا

المجتمع اللى بيقول على المسيحى نجس وكافر ومسموح له ينشر الكلام ده فى الصحف والتلفاز كما يشاء .. لكن لما ساويرس ينتقد اللحية والنقاب بميكى وميمى يبقى تقوم الدنيا ويزدرى الاديان .. كأن الاديان هى الاسلام بس .. ليه ما نحترمش المسيحيين واليهود والبهائيين .. وليه ما نحترمش العلمانيين والليبراليين والاشتراكيين .. وليه ما نحترمش الصوفية والشيعة .. خليكم مع الاخوان والسلفيين وانبطحوا لهم .. هم رسل الخراب والتقسيم .. وثقوا بان السودان ومصيرها وتقسيمها ليس ببعيد .. وقد تحالف فيها العسكر ايضا مع الاخوان والسلفيين ..وكذلك مصير افغانستان .. هل تريدين نزع النسر من العلم ووضع الشهادتين مثلا او اى رمز دينى اسلامى او مسيحى ... يا ريت نكون صادقين مع نفسنا وده باقوله لحمزاوى وغيره ونرفض الاحزاب الدينية ونرفض الدولة الدينية ونرفض خلط الدين بالسياسة


انا مش باهاجمك خالص .. شفتينى شتمتك ولا رفعت عليكى سكينة مثلا .. انا باوضح لك امور ليكى ولكل من سيقرا حوارنا ... الحرية الحقيقية ليست نسبية .. ان كان مش قادر يكون قد مبادئ العلمانية يسيبها ويطلق لحيته ويخليه اخوانى .. مفيش حاجة اسمها الحرية... نسبية .. هتحطى لى الاديان كقيود على الحرية يبقى انتى عايزة حكم الاخوان والسلفيين وانتى مش واخدة بالك .. ما هو الاخوانى بيقول اللى كاشفة شعرها بتثير الشباب .. والسلفى بيقول وجه المرأة مثير وعورة كفرجها .. انتى بتهاجمينى اهوه .. فعلا هو اشباه الرجال ولا رجال .. هو وصباحى والسيد البدوى وايمن نور وكل حليف ومدافع عن الاخوان والسلفيين .. فهو ان كان لا يعرف مدى بشاعتهم ثم يمدحهم فهو جاهل والمفروض يتعلم الاول عنهم قبل ما يمدحهم .. ولو كان عارفهم .. فهو منافق ويساهم فى خراب مصر .. ويا ريت تقرى تعليقاتى كويس تانى .. لانها كبيرة ومش تكونى قريتها بالسرعة دى


مالهمش دعوة بالانترنت بحاله سواء مواقعه اباحية او علمانية او مسيحية او صوفية او شيعية او اى نوع .. مالهمش دعوة بالابداع نكتب زى ما احنا والافلام تكون بكامل حريتها .. اتعمل يوسف الصديق فى ايران ورفعوا دعوى هنا لوقف عرضه وعمالين يتكلموا ممنوع... تجسيم الانبياء .. ناس متخلفة متحجرة لسه فى طور الطفولة العقلية .. العالم اتطور وهما لسه فى الخزعبلات بتاعتهم ............ ثاروا وفاروا على فيلم ابراهيم خليل الله الايرانى .. وعلى مسلسل المختار الثقفى .. وعلى فيلم المهاجر ليوسف شاهين .. واغنية من غير ليه والطلاسم لعبد الوهاب .. وعلى فيلم الرسالة ومسلسل قمر بنى هاشم ... وكفروا طه حسين ونصر ابو زيد وسيد القمنى .. اقرى كتاب اعلام واقزام فى ميزان الاسلام .. كتاب مقزز يكشف حقيقة هؤلاء الظلاميين ... كمان مالهمش دعوة الواحد يحلق دقنه هو حر .. والواحدة كاشفة شعرها ووجهها هى حرة ... انما شغل التضييق بالدين ده مرفوض تماما وسنحاربه ولو ادى الى موتنا فى سبيل حرياتنا ........
 

الاخوان والسلفيون اصلا يحرمون الديمقراطية وهم ضدها اصلا .. انت تدافعين عنهم لا ادرى لماذا ..... الاحزاب الدينية مرفوضة .. مش انتى ليبرالية .. انا بقى علمانية وبس .. وهاشيل كلمة ليبرالية من بروفايلى .. ما دامت بقت تيار اسلامى وانا مش عارفة

مختصر الكلام انك عايزة مصر زى الدول الثيوقراطية اللى انا ذكرتها فوق .. البرلمان دلوقتى دينى بشكل كامل والبقية مجموعة نعاج منبطحة .. لزوم الاونطة والضحك على الدقون .. ما يقدروش يعملوا اى حاجة لانهم مش اغلبية .. ولا يقدروا يرفعوا عينهم فى الاخوان والسلفيين .. هو حر طبعا .. الراجل بيشتغل عشان يخلوه فى المجلس وياخد صلاحيات وامتيازات عضو البرلمان .. لكنه تجرد من مبادئه باسلوب مهين له قبل ان يكون مهينا لنا وقبل ان يكون مهينا لليبرالية والعلمانية


- Watani Mokhlis
المهم نقطتين :
1-
ان تعيين رئيس مجلس الشعب تم فى مكتب إرشاد التنظيم الارهابى و ليس فى مجلس الشعب
2-
... أن كل ولاد دين ال تييييت من الصحفيين امثال ابراهيم عيسى الذين روجوا لاكذوبة ان التيار الاسلامى ليس فى سلة واحدة و انه ليس شيئ واحد هم ش...لة نصابين و ليسوا اغبياء و يقومون جميعا بدور المحلل لنكاح المتعة بين براق حسين ابو حمامة و ارهابيو الاخوان و السلف
3-
أن اغبياء الكتلة المصرية الذى راهنوا على تحالف مع النور ضد الاخوان هم عاجزين عن التخلص من غباءهم الذين جعلهم يراهنون على علمانية الثورة و الذى جعلهم يراهنون بعد هذا على اعتدال عرب مصر و الذى جعلهم يراهنون على المواجهة المقبلة بين العسكر السلفيين و مجلس الشغب السلفى كلهم اغبياء تييييت فحزب النور و جماعة الاخوان الارهابيين من مصلحتهما دائما ان يظهرا ليسا شيئ واحد و انهم منقسمين حتى لا يتحالف ضدهم الغرب و يتحالف ضدهم اعداءهم المتعلمنين و لكنهما فى الحقيقة هما و الجيش و الشرطة و تنظيم القاعدة إيد واحدة

منقووووووووووووول